呢個世界，係咪有註定既成功者既呢？
呢個世界，係咪有註定既成功者既呢？ 有既，好似呢Ｄ咁。 商台新聞，今日咁講既： 立法會教育界議員葉建源說，政府昨日為前往英國留學，而未取得簽證的學生提供查詢熱線是好事，但隨著學生陸續取得簽證後，出現機位緊張、票價高昂等問題，今日稍後會去信行政長官林鄭月娥，希望港府與航空公司商討，協助學生盡快有機位到英國。 葉建源說，根據英國簽證中心的服務承諾，一般簽證可以在十四日內完成審批，快證審批時間更只需三至五日，但英國當局至今未有公布每日處理簽證數字，對此感到失望，指領事館責無旁貸，要加派人手提高審批速度。他亦已經要求領事館，為受影響學生解釋，學校應行使酌情權，讓學生入學。 我有時會諗，呢Ｄ人，已經有錢去英國讀書，咁佢地可以有幾窮呢？咁不如貼埋大床畀佢地去好唔好？畢業後，使唔使包佢地要揾到高薪厚職同買到千萬民房，最後加埋入土為安，加埋無敵背山面海龍脈骨灰龕俾佢地？ 呢班人，有幾慘呢？真係要申請左簽證先可以搵機票架咩？機票有幾貴？萬幾兩萬好未？佢已經唔使係香港讀國民教育，唔使考ＤＳＥ，仲要咁多人幫？９月１８號之前，所有去倫敦既機都ＦＵＬＬ ＬＯＡＤ架啦。如果真係有需要，你估航空公司唔會加開班次？使你立法會議員去幫？我真係唔明，究竟議員係幫咩人服務。你話你係建制派，或者係新民黨，我都明丫。起碼葉太真係為左佢地呢Ｄ人服務。而家泛民都係咁？民主派都係咁？哈哈哈哈。 泛民就係咁。而家畀林特打殘左，就好似三線明星仔咁搵位出新聞。鄺俊宇得閒就整Ｄ個案上到新聞，keep住Ｄ曝光，畀人一個「做到野」既感覺。其他呢？靜晒、停晒。有時，真係好搞笑。 你睇得多，你就明白，究竟議員，係為咩人服務。